నీట్‌-పీజీ పరీక్షకు పకడ్బందీ ఏర్పాట్లు

నీట్‌-పీజీ పరీక్షకు పకడ్బందీ ఏర్పాట్లు : పెద్దపల్లి జిల్లాలో ఆగస్టు 30న నిర్వహించనున్న నీట్‌-పీజీ 2026 పరీక్షకు పకడ్బందీ ఏర్పాట్లు చేయాలని జిల్లా కలెక్టర్ కోయ శ్రీహర్ష అధికారులను ఆదేశించారు. పెద్దపల్లి, రామగిరి మండలాల్లోని మూడు పరీక్షా కేంద్రాలను డీసీపీ రామ్‌రెడ్డితో కలిసి కలెక్టర్ పరిశీలించారు. ఉదయం 7:30 నుంచి 8:45 గంటల వరకు మాత్రమే అభ్యర్థులను కేంద్రాల్లోకి అనుమతిస్తామని తెలిపారు. విద్యుత్, వైద్యం, పోలీస్ బందోబస్తు, సీసీటీవీ, మొబైల్ జామర్లతో భద్రతా చర్యలు చేపట్టాలని ఆదేశించారు. పరీక్ష పర్యవేక్షణకు రెండు ఫ్లయింగ్ స్క్వాడ్లను ఏర్పాటు చేసినట్లు వెల్లడించారు.