RFCLతో రామగుండానికి మరింత ప్రయోజనం కలగాలి.

=ప్రజలు, రైతులు, యువత ప్రయోజనాలపై దృష్టి అవసరంమాజీ ఎమ్మెల్యే చందర్

గోదావరిఖని,(తెలంగాణ నేత్రం)రామగుండం ఫెర్టిలైజర్స్ అండ్ కెమికల్స్ లిమిటెడ్‌ (RFCL) కార్యకలాపాలతో స్థానిక ప్రాంతానికి మరింత ప్రయోజనం చేకూరేలా చర్యలు తీసుకోవాల్సిన అవసరం ఉందని మాజీ ఎమ్మెల్యే కోరుకంటి చందర్ పేర్కొన్నారు. ప్రభుత్వ రంగ సంస్థగా RFCLకు ఉన్న ప్రాధాన్యతను దృష్టిలో ఉంచుకుని ప్రజలు, రైతులు, నిరుద్యోగ యువత ప్రయోజనాలపై దృష్టి సారించాలన్నారు.రైతులకు అవసరమైన ఎరువుల లభ్యత, స్థానిక ఉపాధి అవకాశాలు, ప్రాంతీయ అభివృద్ధి వంటి అంశాల్లో సంస్థ మరింతగా దృష్టి పెట్టాలని సూచించారు. సంస్థకు సంబంధించిన అంశాలపై వాస్తవ పరిస్థితులను ప్రజలకు స్పష్టంగా తెలియజేయాల్సిన అవసరం ఉందన్నారు.RFCL అభివృద్ధితో పాటు పరిసర ప్రాంతాల అభివృద్ధికి కూడా ప్రాధాన్యం ఇవ్వాలని చందర్ కోరారు. ప్రజల ప్రయోజనాలకు సంబంధించిన అంశాలపై ప్రభుత్వం, సంస్థ యాజమాన్యం స్పందించి అవసరమైన చర్యలు తీసుకోవాలని సూచించారు.