ఘనంగా సర్వాయి పాపన్న గౌడ్ జయంతి వేడుకలు

రామగిరి మండలం సింగిరెడ్డిపల్లె గ్రామంలో గౌడ సంఘం ఆధ్వర్యంలో సర్దార్ సర్వాయి పాపన్న గౌడ్ జయంతి వేడుకలను ఘనంగా నిర్వహించారు. ఈ సందర్భంగా గ్రామంలోని ప్రభుత్వ పాఠశాల విద్యార్థులకు స్వీట్లు పంపిణీ చేశారు. సర్వాయి పాపన్న గౌడ్ చేసిన సేవలు, సమాజ అభ్యున్నతికి ఆయన అందించిన కృషి గురించి విద్యార్థులకు వివరించారు. ఆయన ఆశయాలను యువత ఆదర్శంగా తీసుకోవాలని గౌడ సంఘం సభ్యులు సూచించారు.